ရှာပုံတော်

ဘဝ . . .
မလှပတဲ့ လှောင်အိမ်ထဲမှာ
ကျိုးပဲ့နေတဲ့ စိတ်ကူးတွေ
စံချိန်တင်နိုင်ဖို့  ကျိုးစား
ရိုးသားမှုတွေ ပေးဆပ်ပေမယ့်
အထပ်ထပ်ကြုံနေရတဲ့ ဒုက္ခ
မရှုမလှ ရှုံးနိမ့်မှုတွေဟာ
ရင်နာစရာတွေကို ဖန်တီးပေးတယ်။

မိုးရွာတိုင်း စပါးမအောင်ပါ
မိုးခေါင်တာကို အပြစ်တင်
ကိုယ်လိုချင်တာ ဆုတောင်း
နယ်ပြောင်းလို့  ရုန်းပြန်လည်း
ကိုယ်က ဒုက္ခချန်ပီယံပဲလေ။

တကယ်ဆိုရင်
ရေအလျင်ကို ကြည့်ပြီး
လှေစီးချင်သူ ဟာ
အပူဗျာများထဲ
မူးလဲလို့ သွားလိမ့်မယ်။

တကယ်ပါလေ . . . .
လေပြေကို လိုချင်တိုင်း
မုန်တိုင်းနဲ့ သာ ကြုံလာခဲ့
ဘဝရဲ့ မှတ်တမ်းတွေ
သစ်ရွက်အို ကြွေသလိုပါပဲ
အတိတ်နေ့ စွဲမှာ ရှိနေခဲ့
ဆုံလာတဲ့ ဘဝသမားတွေလည်းမထူး
သောကလှိုင်း မူးနေကြဆဲ
ပင်လယ်ထဲ ကူးခတ်သူချင်းအတူ
ရေငန်အတူ သောက်ကြ
ဘဝတွေများစွာ . . . အားလုံးဟာအတူတူပါပဲ။

အမှန်စင်စစ်
အကြင်နာတိုက်ပွဲ
အချစ်စစ်ပွဲနွှဲချိန်မှာ
ဘာ တိုင်လူကြီးမှ မရှိ
အပြစ်ရှိသူ ဘယ်သူလဲ
ကိုယ် ကိုယ်တိုင်ပဲ ဖြစ်မှာပေါ့။

အချစ်ရဲ့တန်ခိုးဟာ
အမိုးအကာမရှိလည်း
ထန်းလက်တဲထဲမှာ
မျက်နှာတွေချိုပြုံး
မျက်လုံးချင်း ဆုံပြီး
ခိုမှီးလို့ ရပြီတဲ့လေ . . .
ထမင်းရည်ကိုသောက်
ဗိုက်မှောက်နေနိုင်လို့ လား
စဉ်းစားပြီးမှ ဆုံးဖြတ်ပါ
နောင်တချိန်တခါကျမှ
မင်းရဲ့ နောင်တတွေ ပရပွ
အလဟသ မဖြစ်စေချင်ဘူး . . . . ။

အချစ်နဲ့ ဆို ဆူးခင်းလမ်းလည်းလျှောက်ရဲ ဆိုပဲ
ဘယ်အချိန် ကွဲပြဲကြဦးမလဲ
မယုံရဲ ယုံရဲမေးပါရစေ
ကြားဖူးရဲ့လား မိတ်ဆွေ
တစ်ခါသေဖူး ပျဉ်ဖိုးနားလည် တဲ့
၂၀ ရာစုရဲ့ အိမ်ထောင်ဦးစီး
စီးပွါးရေး ခေတ်ကြီးထဲမှာ
ကဗျာဆရာတွေ ငိုချင်းချ
ပုံမှန်ဘ၀ ခရီးသည်များအတွက်
ရောင်ပြန်ထွက်ပေါက်တွေကို
ဆွေးအိုနေတဲ့ ရာစုနှစ်
သက္ကရာဇ်ဟောင်းတွေထဲမှာ
ပြန်လည်ရှာဖွေတွေ့ ရှိခဲ့တယ် . . . . . . . . . . . . ။


ဆလိုင်းရှယ်လေး