စိတ္တဇ အလွမ်း

စိတ္တဇ အလွမ်း
Tuesday, August 26th, 2008

ငိုတော့မယ့်တိမ်တိုက်တွေကိုငေးကြည့်ရင်း ပြက္ခဒိန်ဟောင်းတွေကြားက ကြွေလွင့်သွားတဲ့နေ့ စွဲတွေကိုနှမြောမိ တယ်။ ဒီချိန်မှာ စွဲမက် စရာ ကဗျာလေးတစ်ပုဒ်က အတွေးတွေထဲဝေ့ဝဲရောက်ရှိလာတယ်။ ဒီကဗျာလေးမွေးဖွားခဲ့တဲ့ အချိန်ကာလတစ်ခုကို တိကျစွာသတိမရ ပေမယ့် ဒီကဗျာလေးဟာတစ်ချိန်က ကိုယ့်နှလုံးသားမှာစွဲလန်းမိန်းမူးစွာ မွေးဖွားလာခဲ့တဲ့ ကန္တဝင်ကဗျာတစ်ပုဒ်ဆိုတာတော့ သေချာ တယ်။

မှုန်ဝါးတဲ့အတွေးတွေကြားမှာ မပီပြင်တဲ့ကဗျာအပိုင်းအစတွေနဲ့ တည်ဆောက်ထားတဲ့ စာအုပ်ဟောင်းကြီးကို လှန်ကြည့်ရင်း ငါ့ဝိညာဉ် တွေလွမ်းတတ်ခဲ့ပြီလား။ ဘဝရဲ့သီချင်းအပိုင်းအစတစ်ချို့ ကိုမွေးဖွားပေးခဲ့ဖူးတဲ့ ဂီတာအို လေးတောင် ငါ့အနားမှာစိတ်ပျက်စွာ အိပ်စက် နေရှာတယ်။

သခင်တစ်ပါးကငါ့ကိုခြောက်လှန့် နေတယ်။ ငါဟာ ရှုပ်ထွေးတဲ့အတွေးဝင်္ကပါမှာပျောက်ဆုံးသွားခဲ့ပြီလား။ ငါ့ကို ကဗျာပန်းပွင့်သစ်ကလေး တွေ ဖန်ဆင်းပေးဖို့ တောင့်တနေကြတဲ့ စာမျက်နှာတွေ၊ အလွမ်းသီချင်းလေးတစ်ပုဒ် သီဆိုဖို့ မျှော်လင့်နေတဲ့ ဂီတာအိုလေး၊ သြော် . . . တကယ်တော့ ငါ့မှာသူတို့ လေးတွေကို ကျောခိုင်းစွန့် ခွာဖို့  အင်အားမရှိခဲ့ဘူး။ ငါ ကဗျာကိုမြတ်နိုးတယ်၊ သီချင်းအပိုင်းအစလေးတွေနဲ့  ဂီတာအိုရဲ့သံစဥဟောင်းတွေကို တက် မက်တယ်။ အဲဒီလိုပဲ သူတို့ လေးတွေကလည်း ငါ့ကိုသိပ်ချစ်ကြတယ်၊ မျှော်လင့်ကြတယ်၊ တောင့် တကြတယ်။ သခင်တစ်ပါးက ငါ့ကိုအချစ်နဲ့ ရူးသွပ်စေခဲ့ပေမယ့် နှလုံးသားရဲ့ကဗျာနဲ့  အသဲထဲကသံစဉ်ရိုင်းတွေဟာ ငါ့ကို ရူးသွပ် ခွင့်မပေး ကြဘူး။

ငါတက်မက်တဲ့ဂီတာအိုလေးကို ယုယစွာပိုက်ထွေးရင်း သံစဉ်လှိုင်းတစ်ခုကို စွဲငင်တီးခတ်လိုက်တယ်။ ပတ်ဝန်းကျင် မှာ အက်ကွဲစွာလွင့်ပျံ့ သွားတဲ့သီချင်းရိုင်းတစ်ပုဒ်နဲ့ အိပ်စက်ရာကနေ နိုးထကခုန်နေကြတဲ့ လိပ်ပြာလေးတွေကို ကဗျာလေးတွေကတောင် အံ့သြစွာငေးမောနေ ကြတယ်။

စတ္တဇအလွမ်းရဲ့သီချင်းရိုင်းတစ်ပုဒ်ဟာ ကွဲကြေနေတဲ့ အတိတ်ကာလတစ်ကိုလက်ဆောင်ပေးဖို့  အလှပဆုံးသမိုင်း ဝင်ပန်းချီကားတစ်ချပ် ကို နေ့ ရက်တွေနဲ့ ဆေးရောင်ခြယ်၊ အနာဂတ်တစ်ခုနဲ့ ရေးဆွဲနေတယ်။ သံစဉ်လှိုင်းတွေအား လုံး အနာဂတ်တစ်ခုဆီ ဦးတည်ပျံသန်းသွား ကြတယ်။

အင်း . . . . . စိတ္တဇအလွမ်းရဲ့ ဝင်္ကပါထဲကနေ ခုချိန်ထိ ရုန်းမထွက်နိုင်သေးဘူး။